प्यारो खोटाङ मेरो

नाकिमा

जति चढूँ हिमाल, मभन्दा सधैँ माथि
यो माटोमा आएदेखि अनन्तसम्म साथी
प्यारो खोटाङ मेरो

दिप्सुङ-सुङ्देल दुख्दाखेरी सुसाउँछ सल्ले
रुपाकोटमा गुराँस फुल्दा मुस्कुराउँछ मौरे
दुःखहरु बगाइलाने साप्सु-दिखुवा
अनुपम उपहार धिप्लुङ-बराहा
प्यारो खोटाङ मेरो

ट्याम्के-स्याल्मे अटल छ युगौँयुगदेखि
रावा-सावा गतिशील छ अथक ती यात्री
हलेसी र तायाचुङ आस्थाका धरोहर
सभ्यताकी जननी तयामा-खियामाको घर
प्यारो खोटाङ मेरो

सङ्गीत : भिमसेना राई

मेरो थियो

विपल बोयुङ

परिबर्तित सहर मेरो थियो
चेतनाको लहर मेरो थियो

उजाड किन कोमल बगैंचा
फुलाउने रहर मेरो थियो

छेक्दैछ फेरी प्रभात कसले
बिहानीको प्रहर मेरो थियो

गुजारे त्यसै यसपाली पनि
बदलिने ठहर मेरो थियो

गर्दैछ मस्ती लुटेरा मलाई
रगतको नहर मेरो थियो