रश्मि झुल्किएका रात

source: www.alagabhiyan.blogspot.com

 -विपल बोयुङ

आशा दियो बल्दो थियो रश्मि झुल्किएका रात
निरासहरु जल्दो थियो रश्मि झुल्किएका रात

उदायर नौलो तारा गगनको अंगालोमा
मन्द मुस्कान खुल्दो थियो रश्मि झुल्किएका रात

जुनकिरी नाच्दैथियो छरी नयाँ-नयाँ ज्योति
अध्यारो जो ढल्दो थियो रश्मि झुल्किएका रात

सन्ध्याको वरिपरी खुलेका ती नयाँ आँखा
स्फुर्त नयाँ चल्दो थियो रश्मि झुल्किएका रात

जन्मियथ्यो एक नयाँ चेतनाको द्रुत गती
सुस्त त्यहाँ गल्दो थियो रश्मि झुल्किएका रात