आइती घले
तिम्रो सम्झनाहरुको भुत
बाधेँ अजम्बरी डोरो
बाँसका हाँगाहरुमा
धरानको बजार
उखुर्मौलो भएझैँ
जेठको कडा धुपमा
उखुर्मौलो तिम्रो हंश
मलाई रत्तिभर छोड्दैनन त !
उकालो चढछु भेडेटार
छोपिन्छु बादलुको घुम्टोले
चाल्स भ्यु टावर भन्दा नि
अग्लो तिम्रो मायाको मोहनी
फुकाउन सकिनन् है
पाथिभरा माइले पनि !
हैरान हैरान पुग्छु नमस्ते झरना
चिसिन्छु पानीका फोहोरामाझ
तर हर बाछिटहरुमा
तिमी नै तिमी
भिजाइदिन्छौ मलाई
तिमी नै तिमी
बगाइदिन्छौ मलाई
लाग्छु कन्याम इलाम
निहार्छु चियाका पत्ती
तर हर मुनाहरुमा
बदमाश तिमी मुसुक्क मुस्काइदिन्छौ
अरे हौ च्याङ्बा !
कत्ति सारो पिछा गरेको नि !
हिँड्छु काकडा्भिट्टा
तिम्रो हस्तक्षेप अति नै भएसि
तिमीलाई निर्वासित गर्न पुगेको म
आफै पो निर्वासित हुन्छु
द्ङ्ग पर्छु
कति चाँडै पर भएछु
आफ्नै जिवनबाट स्वतन्त्र म
तिम्रो समिप्यताको कैदी भएछु
मेरो च्याङ्बा !
यो लोछारमा
तिमी र म मेन्दो माया नाच्नेछौँ
बर्षौँ पैले लाको पोङग्
आस्याङ्ग सामु ढोग्नेछौँ
अनि एउटा बिपना कोर्नेछौँ
यो घाम छायाँको लुकामारीबाट
हो, त्यस दिनबाट
यात्रा सुरु हुनेछ
हाम्रो एउटा नयाँ सोपानको
हाम्रो एउटा नयाँ क्षितिजको ।
No comments:
Post a Comment