रेल भयो देश

- अर्जुन बाराहाली

फोहोरी रणनीति र युद्धको खेल भयो देश
कागलाई झै जनतालाई पाकेको बेल भयो देश

सबै यहाँ स्वार्थी मात्र विकास भन्दा विवाद धेरै
विवादैविवादमा फसेको झेल भयो देश

कपडा झै फेरिए यहाँ वाद र तन्त्रहरु
जुन जोगी आएपनि उस्तै जेल भयो देश

गर्न भन्दा भन्न धेरै मंचबाट भाषण चर्को
शान्त समाज निर्माणमा फेल भयो देश

बन्द हड्ताल हत्या हिंसा नेपालमा जहिले
हाम्रा लागि बीचबाटोमा बिग्रेको रेल भयो देश ।