गीत

उदिम किराती

छोडी आएँ सबै थोक आफ्नै देशमा प्रिया
तिमी जस्तो पाउन गाह्रो परदेशमा प्रिया

घाम छोडेँ पानी छोडेँ गाँउको हावा छोडेँ
सबै भन्दा ठुलो कुरा तिम्रो माया छोडेँ
हुन्छु हररात सपनीमा आफ्नै देशमा प्रिया
तिमी जस्तो पाउन गाह्रो परदेशमा प्रिया

धर्ती उस्तै आकाश उस्तै तर फरक मान्छे
पत्थर दिल बोकी हिँड्छन् यहाँ प्राय मान्छे
तिमी छौ माया छ आफ्नै देशमा प्रिया
तिमी जस्तो पाउन गाह्रो परदेशमा प्रिया