मिलन किराती
सबै गाउँछन् जूनको गीत, तर गाउँदिन म
मान्छेमा झैं जूनमा, जीवन पाउँदिन म
धेरै धेरै फरक हुन्छ मान्छे र जूनमा
सकिदैन दाँज्न जूनलाई मान्छेको गुणमा
सके पनि जूनसित, प्रित लाउँदिन म
मान्छेमा झैं जूनमा, जीवन पाउँदिन म
मुस्कुराउँछ एक्लै जून राती अँधेरीमा
सकिदैन भेट्न जूनलाई पानी पधेरीमा
नभेटिने सपनाको, बाटो धाउँदिन म
मान्छेमा झैं जूनमा, जीवन पाउँदिन म
No comments:
Post a Comment