धोका खान अघि

मनोज बोगटी आँखा फुटाइदिएपछि आएको बसन्त मुख सिलाइदिएपछि गाइएको गीत हात काटिएपछि थामिएको हात खुट्टा भॉंचिएपछि हिँडिएको यात्रा मन्दिर भत्किएपछि गाइएको भजन पृथ्वीले आत्महत्या गरेपछि पृथ्वीमा आएको ईश्वर जङ्‌गल फॉंडेपछि आएको पर्यावरण दिवस अथवा जरा सुकेपछि बीऊमा खन्याइएको पानी आँखा बन्द गरेपछि उदाएको घाम कलम भॉंचेपछि लेखिएको कविता सास बन्द गरेपछि चलेको हुरी घर भत्किएपछि फुलेको फूल सपना चर्किएपछि पाइएको आशिर्वाद आत्महत्या गरेपछि पाइएको प्रेम लाशलाई गरिएको चुम्मन अथवा ऐनामा देखिएको आफ्नै अनुहार छाना भत्किएपछि शान्त भएको आँधी भर्खर उम्रिँदै गरेका सिमीको बीऊ भॉंचेपछि रोकिएको असिना पानी सुकौरोले खेती सुकेपछि आएको वर्षा मानिस मरेपछि आएको शान्ति रातपरेपछि घामको कुरा गर्ने विद्वान अथवा पैह्रो गएपछि रोपिएको विरुवा यी जम्मै धोका हुन्‌। मेरा बयानहरू जे जति छन्‌ तिमी जिउँदो हुँदै तिम्रै सामु छन्‌ कि धोका खान अघि कृपाय सुन म कविता सुनाइरहेको छु।