सुन्दर अल्पभाषी
तिमीबाटै असुरक्षित भएपछि
त्यागेको हुँ
तिम्रो रक्षाबन्धन
र जनैको जन्जिर
छाडेको हुँ
जनवारको जलले
लिङ्ग अभिषेक गर्न
लाउन छाडेको हुँ
तिम्रो पहिरन
मान्न छाडेको हुँ तिम्रो भगवान
बर्षौँदेखि तिम्रो हुनुको अर्थमा
थालेको हुँ अभियान
मान्छे हुनुको अर्थमा
सभ्यता पछ्याएर
पहिचान खोज्नुको अर्थमा
चढाउन थालेको हुँ बनझार
मर्चाको बुट्टी
मेरो भगवानलाई
थोपा-थोपा अल्कोहल
निन्द्राबाट ब्युँझाउन बुढानिलकण्ठलाई
एक पाइला हिँडाउन बिरुपाक्षलाई
चीर निन्द्राबाट उठाउन बुढासुब्बालाई
हो तेतिखेर
मछैदिनु बन फूलले तम्फुङ्गलाई
गरिदिनू नाहेन
र गरिदिनू माङ्गगेना
राखेर तङसिङ
No comments:
Post a Comment